وڈھ بازار کے قریب ٹریفک حادثے میں 4 افراد جاں بحق، 3 زخمی ہوگئے

وڈھ (ویب ڈیسک) وڈھ بازار کے قریب چھبکی پہاڑ، زیرِ تعمیر وڈھ یونیورسٹی کے سامنے آر سی ڈی شاہراہ پر دو مزدا ٹرک موٹر سائیکل سواروں کو بچانے کی کوشش میں بے قابو ہوکر الٹ گئے جس کے نتیجے میں چار افراد موقع پر جاں بحق جبکہ تین افراد شدید زخمی ہوگئے۔ ڈی ایس پی وڈھ خالد حسین کے مطابق جاں بحق افراد میں دو کا تعلق موسیٰ خیل اور کوئٹہ جبکہ دو دیگر کا تعلق آڑینجی (وڈھ) سے ہے۔ زخمیوں میں دو افراد کا تعلق ڈیرہ غازی خان اور ایک کا تعلق کوئٹہ سے بتایا جاتا ہے۔ حادثے کے بعد زخمیوں اور جاں بحق افراد کی میتوں کو فوری طور پر وڈھ اسپتال منتقل کیا گیا۔ اسپتال ذرائع کے مطابق زخمیوں کو ابتدائی طبی امداد فراہم کرنے کے بعد مزید علاج کے لیے خضدار منتقل کیا گیا۔ پولیس ذرائع کے مطابق قانونی کارروائی مکمل کرنے کے بعد جاں بحق افراد کی میتیں ان کے آبائی علاقوں کو روانہ کی جائیں گی۔