عمران خان کو آج ہی اڈیالہ جیل سے شفا انٹرنیشنل اسپتال منتقل کیے جانے کا امکان

راولپنڈی (ویب ڈیسک) بانی پی ٹی آئی عمران خان کو اڈیالہ جیل سے شفا انٹرنیشنل اسپتال منتقل کیے جانے کا امکان ہے۔ ذرائع کا کہنا ہے کہ بانی پی ٹی آئی عمران خان کی اسپتال منتقلی کے انتظامات مکمل ہیں۔ امکان ہے کہ عمران خان کو آج ہی اڈیالہ جیل سے اسپتال منتقل کیا جائے۔ سپریم کورٹ نے بانی پی ٹی آئی کو دو روز میں شفا انٹرنیشنل اسپتال منتقل کرنے کا حکم دیا تھا۔ اس حوالے سے وزیر قانون اعظم نذیر تارڑ نے بانی پی ٹی آئی کو اسپتال منتقلی کے سوال پر کہا ہے کہ ابھی رات 12 بجے تک کا وقت ہے، یہ کام اسلام آباد انتظامیہ کی ذمہ داری ہے، جو بھی کرنا ہے، وہ کر رہے ہیں۔