فیفا فٹبال ورلڈ کپ، مشترکہ میزبان کینیڈا نے جنوبی افریقا کو شکست دیکر پری کوارٹر فائنل میں جگہ بنا لی

لاس اینجلس (مانیٹرنگ ڈیسک) فیفا فٹبال ورلڈ کپ 2026 کے مشترکہ میزبان کینیڈا نے جنوبی افریقا کو 0-1 شکست دے کر پری کوارٹر فائنل میں جگہ بنالی، کینیڈا میگا ایونٹ میں اس مرحلے میں پہلی بار کوالیفائی کرنے میں کامیاب ہوا ہے۔ لاس اینجلس اسٹیڈیم میں کھیلے گئے میچ میں پہلے ہاف میں جنوبی افریقی ٹیم کا پلہ بھاری رہا، ان کے کھلاڑیوں نے وقفے وقفے سے کینیڈین گول پر حملے کئے مگر کامیابی نہیں مل سکی۔ پہلے ہاف میں کوئی ٹیم بھی گول نہ کرسکی۔ دوسرے ہاف میں دونوں جانب سے کھیل میں کچھ تیزی دکھائی دی لیکن برتری کسی کو نہ مل سکی۔ پھر انجری ٹائم میں ایک موو پر کینیڈا کو موقع ملا، ان کے کھلاڑی اسٹیفن اسٹاکیولو نے گیند حریف ٹیم کے جال میں پہنچا کر ٹیم کو برتری دلادی جو کینیڈا کی جیت کیلئے کافی رہی۔ میگا ایونٹ کی تاریخ میں کینیڈا کی ٹیم پہلی مرتبہ پری کوارٹر فائنل میں پہنچی ہے۔ راﺅنڈ آف16 میں اس کا مقابلہ نیدر لینڈز یا مراکش سے ہوگا۔