خضدار N-25 پر دو موٹر سائیکلوں کا تصادم، 3 افراد جاں بحق، 2 زخمی

خضدار شاہراہ حادثہ

خضدار (بلوچستان نیوز) کوئٹہ کراچی قومی شاہراہ N-25 پر سنی کے مقام پر دو موٹر سائیکلوں کے تصادم میں تین افراد جاں بحق اور دو شدید زخمی ہوگئے۔ پولیس کے حوالے سے سامنے آنے والی مقامی رپورٹس کے مطابق حادثہ یکم اکتوبر 2026 کو پیش آیا۔

جاں بحق اور زخمی افراد کی شناخت

رپورٹس کے مطابق جاں بحق افراد کی شناخت شفیع اللہ ولد جان محمد زہری، محمد نواز ولد مراد اور ظہور احمد ولد چاکر خان کے نام سے ہوئی۔ کلیم اللہ ولد غلام قادر قلندرانی اور لیاقت علی شدید زخمی ہوئے اور انہیں ٹیچنگ ہسپتال خضدار منتقل کیا گیا۔

مقامی میڈیا رپورٹس میں حادثے کی ممکنہ وجہ تیز رفتاری بتائی گئی ہے، تاہم پولیس کی تحقیقات مکمل ہونے سے پہلے اسے حتمی وجہ نہیں کہا جاسکتا۔ روزنامہ انتخاب کی رپورٹ اور ڈیلی قدرت کی رپورٹ میں بھی واقعے کی تفصیلات موجود ہیں۔

خورشید احمد بلوچ
رپورٹر
خورشید احمد بلوچ

خورشید احمد بلوچ روزنامہ بلوچستان نیوز کے نامہ نگار ہیں اور ضلع خضدار سے خبریں رپورٹ کرتے ہیں۔