نئی دہلی (ویب ڈیسک) امریکی افواج کی جانب سے جاری بیان میں بتایا گیا کہ امریکی افواج نے بحیرہ عمان میں ایک آئل ٹینکر کو فضائی حملہ کرکے ناکارہ بنا دیا۔ امریکی فوج کے مطابق جہاز نے امریکی ناکہ بندی کی خلاف ورزی کرتے ہوئے ایران سے تیل منتقل کرنے کی کوشش کی۔ امریکی فوج کی سینٹرل کمانڈ (سینٹکام) کے مطابق پلاﺅ کے پرچم بردار آئل ٹینکر ایم/ٹی سیٹے بیلو کو اس وقت نشانہ بنایا گیا جب وہ بحیرہ عمان سے گزر رہا تھا۔ بیان میں کہا گیا کہ امریکی طیارے نے جہاز کے انجن روم کو نشانہ بنایا کیونکہ عملہ امریکی فورسز کی جانب سے بار بار دی گئی ہدایات پر عمل کرنے میں ناکام رہا۔ دوسری جانب بھارت نے بحیرہ عمان میں آئل ٹینکر حملے پر نئی دہلی میں امریکی مشن کے نائب سربراہ کو طلب کرلیا۔ غیر ملکی خبررساں ایجنسی کے مطابق بھارت نے امریکی مشن کو اپنا سخت احتجاج ریکارڈ کرایا۔ خبررساں ایجنسی کے مطابق خلیج عمان میں آئل ٹینکر میں آگ لگنے سے 3 بھارتی لاپتا ہیں، آئل ٹینکر پر موجود 28 افراد کے عملے میں سے 24 بھارتی شہری تھے۔
بحیرہ عمان میں امریکی فوج کا تیل بردار جہاز پر حملہ، عملے کے بیشتر افراد بھارتی شہری تھے، 3 لاپتا، نئی دہلی کا احتجاج
